کلرسیداں دو رکنی نوسرباز گینگ شہری سے انیس ہزار سعودی ریال ہتھیا کر فرار

کلرسیداں دو رکنی نوسرباز گینگ شہری سے انیس ہزار سعودی ریال سمیت پاکستانی نقدی ہتھیا کر فرار ہو گیا۔گاوں بناہل کے رہائشی محمد رشید نے تھانہ کلرسیداں پولیس کو بتایا کہ سعودی عرب مقیم رہا۔اب ایک سال سے پاکستان آیا ہوا ہوں۔ایک نامعلوم شخص میرے پاس آیا اور بے تکلفی سے گپ شپ لگانے لگا۔اور چائے پلانے کے بہانے میاں الیکٹرانکس کے سامنے گلی سے ہوکر آگے خالی پلاٹ میں لے گیا۔اچانک ایک اور آدمی آیا۔اور اپنے آپ کو پولیس والا بتلا کر پہلے جس کے ساتھ گیا تھا اس کی تلاشی لی۔پھر بعد میں میری تلاشی لی۔میری جیب سے انیس ہزار سعودی ریال سمیت تقریباً تین ہزار روپے زبردستی تلاشی کے بہانے نکال کر غائب ہوگئے۔تھانہ کلرسیداں پولیس نے نامعلوم نوسربازوں خلاف چار روز بعد مقدمہ درج کرلیا۔